ليش انا فتحاوى

زائر

ليش انا فتحاوي؟؟؟؟؟

فتحاوي والله فتحاوي
فتحاوي ليش انا فتحاوي
احترت وما لقيت اجابة لسؤالي
رحت سألت امي وقلتلها ليش انا فتحاوي ؟
قالتلي : بتذكر يما الكوفية اللي كانت تحميك من برد الشتوية؟
قلتلها:بتذكرها ايام ما كنت يما بالكافولة
قالتلي: فتحاوي بحليب صدري ورضعتك ايام الطفولة.

بعد ما عرفت اللي مخليني محتار بالليل وبنهار
رحت قلت لستي عن اللي صار
قالتلي: انا يا ستي مرضعتش من حليب امي لانها كانت بالارض مدفونة
قلتلها:كيف انتي فتحاوية وموشحة على راسك بالكوفية
انا يا ستي...انا يا ستي : انا لما كنت ابذر القمح كان مكتوب على السنابل فتح
ومكتوب بالمي والملح فتح
على ثوب الفلاحي فتح
على الطاحونة ومفتاح الدار
وبالسما والارض بالطول وبالعرض بتلاقي فتح
كيف يا ستي ما بدك اياني اكون فتح؟!!!!

رحت لسيدي
رحت لسيدي... وقلتلو:انت فتح؟
مردش غير كلمة نطق الحق..وبالفعل كان وقتها يأذن ياذن الصبح
طب كيف يا سيدي صرت فتحاوي؟
قلي يا سيد: لما كنا نسمع حان الان موعد الاذان بعد الصلاة نفتح القران
لقيت كلمة الفتح بالقران
وكان شعارها زمان ولحتى الان فتح بكل مكان
بالفرح والكرح بتلاقي فتح
بحيفا وعكا وغزة ورفح بتلاقي فتح
بمينا سدود بالسبع بالضفة بالاردن بليبيا بسوريا بعمان بتونس بالجزائر بمصر بلبنان بتلاقي فتح
بالسما وغيومو والليل ونجومو بتلاقي فتح
كيف يا سيد ما بدك اياني اكون فتح؟؟؟؟!

ما في حدا بقي الا ما سالتو بالدار
ما في حدا وبقي وما سالتو بالدار...اتطلعت لصورت ابوي وقبل اسمو مكتوب الشهيد المغوار
رحت لامي وقلتلها عن اللي صار
قالتلي : روح لابوك بجاوبك
قلتلها: ابوي استشهد..بس قبل ما يموت يما اعطاني تذكار
اخذت التذكار وموجود فيه رقم 65 وشعار
رحت لسيدي
رحت لسيدي وقلتلو: ايش يعني 65
قلي: 65 كان لفتح الشرارة
طب الشعار : قلي عيلبون والكرامة

يا سيد ..يا سيد كرمال الارض ورملها
والسما وصخرها..كرمال فلسطين واهلها
كرمال فتح ورجالها ما تحكي عن فتح يا سيد
اللي ما الو خير بفتح ..ما الو خير ببلدو

يعني فتح عمرها ما بتموت
يعني فتح عمرها ما بتموت
وانا بقول بعالي الصوت انا فتحاوي انا فتح
انا وابوي وامي واخوي فتح
الدار فتح
النصر حليف فتح
لانو في القران فتح
ولك على كعب البارودة فتح
على الشبابة والعود فتح
الاباء والجدود فتح
والارض حتعود بدين فتح
وما في حد وحدود لحب فتح
التحدي والصمود يعني فتح
مهما اسمعنا كلام وردود حنضل فتح
لانو اهل الكرم والجود فتح
وما حد يسالني انت ليش انت فتح؟

قسما برب الارض..اللي ملكها بطول وعرض..وكل مسلم صلى سنة وفرض
وقسما برب الكون اللي عينو ما بتنام وركنو ما بضان :
على درب الختيار لاسير ودرب الشهيد والاسير لأسير
عدرب الختيار لاسير ودرب الشهيد والاسير .لأسير

ما دام دم الشهيد فتح
وشمع العيد فتح
ودم الوريد فتح...ما بقدر اتخلى عن فتح

في البحر الغواص فتح
بالارض لرصاص فتح
بالحرب القناص فتح
وبكفي نحكي عن فتح
ما دام في بالسما طير ...لسة فتح بخير..فتحاوي انا ابن فتح
فتحاوي انا ابن فتح
فتحاوي انا ابن فتح

أحلـــــــــــــــــــــــى فتحـــــــــــاوية

يسلمووووووووووووووو على مرورك الكريم واهلا بيك شو رايك تنضمى النا راح يكون شرف لنا وانا بفتخر انى فلسطينة فتحاوية